تسويق إلكتروني

seo on-page موقعك من الداخل (الجزءالثاني)

تعلم كيفيه اختيار الكلمات الرئيسيه SEO on-page

KEYWORD SELECTION:اختيار الكلمات الرئيسيه

KEYWORD SELECTION

أختيار الكلمات الرئيسيه لمقالك موضوع غايه في الأهميه لأنه بيعتمد عليه 90% من  شغلك في الSEO وهو تاني تصنيف في ال SEO on-page.

لذلك خصصنا ليه مقاله لوحده …ممكن تراجع المقاله السابقه واللي اتكلمنا فيها عن أول تصنيف وذكرنا سريعا أهميه أختيار الكلمات الرئيسيه.

الكلمات الرئيسيه هي اللي بتملي عليك كل قطعه من المحتوى هيكون موضوعها ايه…هي اللي هتملي عليك التسميه العامه لموقعك(موضه-تكنولوجيا-صحه)وازاي بتوصف العلامه التجاريه بتاعتك عى الأنترنت.

الكلمات الرئيسيه اللي هتقولك ازاي تبني روابط ,تشمل كل شئ بدايه من التكتيكات اللي بتختارها لحد كيفيه تنفيذك لها.

المشكله الكبيره اللي بيقع فيها ناس كتير هي انهم بيقفوا..بيصمموا موقعهم ويحسنوا التصميم يشتغلوا على حمله تسويق أسبوع أو أثنين ,يطوروا من صفحاتهم وفجأه يقفوا.

ودا لأنهم بيبقوا فاكرين ان الكلمه الرئيسيه دي حاجه بتتعمل مره واحده وخلاص…بالعكس هي دايما متجدده باستمرار.

أشطر ناس بتشتغل SEOدايما بيدوروا على الكلمات الرئيسيه الجديده والمنقحه,بحيث يكون ليها دايما معنى في سياق المحتوى.

هنتعرف مع بعض على بعض الأغلاط اللي بنمارسها وأحنا بنبحث على الكلمات الرئيسيه.

الخطأ الأول: اختيار الكلمه الرئيسيه الخاطئه

خلينا نتخيل انك بتبيع خدمات استشاريه ..خدماتك بتكلف العميل حوالي 10,000 دولار طوال الكورس في عام…يعني اقل من الف دولار شهريا بس ده كمان مش رقم قليل.

دلوقتي ,أنت مصنف الأول للكلمه الرئيسيه دي”نصائح مجانيه لنمو عملك الخاص”,تفتكر أي نوع من الجمهور ممكن ينجذب لموقعك.

 الجمهور اللي هيجيلك هو اللي بيدور على نصائح مجانيه..  وبالتالي هما مش هيفكروا يستخدموا الكريديت كارت في اللحظه اللي داخلين فيها على موقعك.

الكلمه دي ممكن تجبلك زيارات بالالاف كل شهر..ولكن جمهور خاطئ..علشان كده تصنيفك كونك الأول ليس له معنى.

يستحسن في الوقت ده تختار بعنايه الكلمه اللي الرئيسيه اللي بتحطها حتى لو هتخسر 90% من زوار موقعك…لأن واحد او اثنين لو اشتروا اللي انت بتبيعه من استشارات ماليه انت كده ماشي صح.

بس دي مش الغلطه الوحيده في غلطه كمان ومنتشره جدا.

الخطأ الثاني:تجاهل المنافسه

اختارنا خلاص الكلمه الرئيسيه الصحيحه ,لها علاقه بموضوع المقاله بتاعك وبتخدم اللي انت بتبيعه.

طب ايه اللي مفروض يتعمل بعد كده؟

هتفتح أداه تحديد الكلمات الرئيسيه زي مخطط الكلمات الرئيسيه من جوجل او حتى لو اداه مدفوعه زيSEMrush. هتكتب أفكارك ويطلعلك نتائج.

من الطبيعي , أنك تنجذب للكلمات اللي عليها اعلى معدل بحث..بس في حاجه ممكن تكون ناسيها,قدرتك على تحقيق تصنيف عن طريق كلمه رئيسيه معينه معتمد بشكل كبير على المنافسه اللي ممكن تتعرضلها.

يعني مثلا لو دورنا على كلمه زي “تسويق المحتوى”……بيحصل عليها بحث بمعدل 6.5-9.5 الف كل شهر..ودا كويس جدا,ومش متكرر كتير على الأنترنت ولكنها حاجه كويسه كبدايه,المشكله بتحصل لما تقارن موقعك بمواقع تانيه في تصنيف عالى اصلا.

طب تعالى نشوف نطاق وسلطات الصفحه للمواقع دي؟

شايف عدد مجالات الربط الجذريه(linking root domains) اللي كل واحد واخده؟

المواقع دي اخدت شهور أن مكنش سنين علشان توصل للنقطه دي؟

 

وعلشان تقدر تحل محل واحد من الثلاثه اللي في الأول فرصتك تكاد تكون ضعيفه لمعدومه…طب هو ايه المفروض يحصل بعد كده؟

أغلب الناس بيروحوا للكلمات الرئيسيه الطويله…لأنهم بيفتكروا أن بسبب طول الكلمه ..أصحاب مواقع كتير مش هيفكروا فيها والمنافسه هتقل.

بس للاسف ده مبيحصلش..تعالى نلقى نظره كده على كلمه زي  “content marketing agency”  ونشوف نتائج البحث بتاعتها.

حجم التفاعل على الكلمه أقل بحوالي 100 زياره ..دا كبدايه كويس جدا .

بس,في مشكله واحده ..تعالى نشوف المنافسه كده شكلها عامل ازاي؟

مواقع زي دي شغاله من سنين طويله على الموضوعات دي..عندهم مئات(لو مكنش الاف أو عشرات الاف ) من الروابط.

المنافسه في المنطقه دي زي كأنك بتنافس اقوى وأول شركه في المجال …علشان كده الغلطه دي اسوء من الأولى..لو عرفت يعني بطريقه أو بأخرى تعلى بالتصنيف بتاعك برضه هيجيلك معدل زيارات اقل لأن كله هيروح على اللي معروف ومشهور في السوق بقاله سنين.

فالطلب على كلمه رئيسيه زي اللي اخترناها هيكون قليل لانه المنافسه عاليه جدا واصبح معروف لكل واحد بيدور على الأنترنت مين الرائد في المجال ده.

طب يعني ايه المفروض يتعمل دلوقتي؟

1-محتاجين كلمات رئيسيه ليها علاقه بنشاطنا .

2- مش عليها منافسه عاليه.

3-وكمان تقدر تجبلي معدل زيارات عالى لموقعي.

علشان كده لازم نفكر بره الصندوق …ونبتدى نأخد بالنصايح دي

KEYWORD SELECTION KEYWORD SELECTION KEYWORD SELECTION KEYWORD SELECTION KEYWORD SELECTION KEYWORD SELECTION

النصيحه الأولى :ركز على نوايا البحث

اغلب الناس بتركز على الكلمات الرئيسيه…وعلى حسب ظني دا كمان اللي انت عايز تعمله..نصيحتي ليك بدل ما تدور على اللي الناس بتكتبه دور على الهدف اللي وراه ….أو بمعنى أخر ليه بيدوروا على الشئ ده …دا معنى كلمه نوايا البحث.

هو ده بقى الفرق ما بين أنه يجيلك شويه زيارات على موقعك وما بين انك تحقق إيرادات حقيقه من  نشاط موقعك.

خلينا نبدا نتكلم عن الأساسيات علشان نقدر نبين الأختلافات.

موقعك خاص بالتوظيف… بتكسب فلوس عن طريق أن الشركات بتنزل الوظائف اللي هي محتاجها على موقعك.

دا معناه أنك محتاج صفحات توظيف بتصنيف عالي فالناس تدور على موقعك بدلا من اي موقع أو مكان تاني…كل ما الناس تتوظف من على موقعك اكتر كل ما كانت عمولتك أكتر.

طب ايه اللي هيحصل لو حطيت كلمه مفتاحيه زي وظائف للمهندسين.

النتائج كتيره جدا…بعضها عن مهندسين الميكانيكا وفي نتائج تانيه مركزه على مهندسين السوفت وير أو مستوى الدخل .

الهدف من وراء كل بحث مختلفا تماما…دا اللي احنا عايزين نحدده بدقه.

ايه اللي مستخدم بيدور عليه بالظبط؟ اي نوع من الهندسه هما مهتمين بيه؟

لحسن الحظ,المشكله دي بتحدد ازاي نقدر في النهايه نلاقي كلمات مفتاحيه مش عليها منافسه كبيره.

موقع زي لينكدن ممكن يكون منافس شرس .علشان كده لازم تلاقي بدائل مختلفه معتمده على نوايا البحث.

أول حاجه لازم تعملها هو دليل جوجل المقترح للاجابه على السؤال ده.

 

في عمليات بحث مشابهه الناس بتقوم بيها,فأنت عندك بالفعل بعض نقاط القوه.

الميكانيكيه.. مدني.. صناعي ممكن يكون عليهم منافسه كبيره…طب ايه رأيك في الهندسه المدنيه أو هندسه الصوتيات

أنزل تحت كمان في نهايه صفحه نتائج البحث من جوجل وشوف أقتراحات أكتر.

هندسه “الطيران الجوي ” واحده من الحاجات المثيره للأهتمام.

 

خلينا نلقى نظره على أخر مثال علشان نشوف دور نوايا البحث في اختيار الكلمات الأفتتاحيه قبل ما ننتقل لأداه أخرى..وهنبدأ هنا بسؤال؟

لما حد يكتب “افضل اداه للتسويق  الألكتروني” على جوجل يا ترى هو بيدور على ايه؟؟

ايوه ,هو بيدور على طريقه تسويق الكترونيه الفكره هنا بس انه مش عارفه يختار ويتعامل بأنهي طريقه.

وعلشان هو مش عارف يحدد أنهي طريقه فبيقوم بتقييم كل البدائل..بيعمل مقارنه ما بين كل الطرق.

طب لو حطيت سؤال زي ده على جوجل ايه اللي هيحصل؟؟

 

هتلاقينا عاملين علامه على أول نتيجه مدفوعه وأول نتيجه غير مدفوعه في التصنيف ودا لأنهم بيدوروا على نوايا البحث.

هما هنا بيحاولوا يفهموا الناس بتدور على ايه مش بس هما بيكتبوا ايه..علشان يقدروا يوصلوا معاهم للنتيجه اللي هما عايزينها.

النتايج الأخرى المدفوعه هي بتحاول أنها تبيع لك أداه فقط بغض النظر  عن فكره أن الناس اللي بتدور في السؤال ده بتبحث عن اكثر من بديل.

الشركات الأخيره دي بتبص فقط على قائمه الكلمات الافتتاحيه من غير ما تدور الناس عايزه ايه أصلا ونيتهم ايه من ورا سؤال  البحث بتاعهم على جوجل.

علشان كده لازم توسع دائره الاختيارات زي ما شوفنا من شويه بأننا ندور في اقتراحات جوجل.

النصيحه الثانيه :تعرف على جمهورك

موقع مثلAnswerThePublic  يعتبر اداه ممتازه لأجابه سؤال زي اللي قولناه في الفقره اللي فاتت لأنه بيستخدم اسئله بحث حقيقيه علشان يقدر يعمل قائمه بكلمات البحث لسؤالنا اللي هو :ما هي افضل ادوات التسويق الألكترونيه” …برسم بياني بسيط هيقدر يوضحلك مين بيدور على ايه؟؟

فمثلا الرسم البياني ده بيوضح ان الناس اللي كتبت سؤال زي “ما هي افضل اداه تسويق الكتروني”

  • مستخدمي الوورد بريس
  • محترفي ال B2B
  • النشاطات التجاريه الصغيره
  • النشاطات التجاريه اللي لسه بتبتدي

كل واحد من دول هو جمهور مختلف عن الأخر نشاط تجاري لسه بيبتدي بتمويل كبير غير اصلا نشاط تجاري صغير ولكن بقاله مده في السوق…كل واحده منهم ليه احتياجاته.

مستخدمي الوورد بريس هيبقوا محتاجين  Pluginبسيط علشان يقدروا يدوروا الحملات بتاعتهم مباشره من جوه التطبيق, على عكس محترفي ال B2B بيكونوا محتاجين يشغلوا موقعهم من خلال أداه ميكانيكيه علشان يبقى اللي بيشتغلوا عليه حاجات اقل.

 

وصلك تاثير ده؟؟ ده اللي بيحدد أنهي كلمات أفتتاحيه هتستهدفها.الصفحه اللي انت بتنشئها أو المدونه هتتوجه لمجموعه من الجماعات الفرعيه واللي فيها هتتنافس على افضل كلمه افتتاحيه لكل مجموعه في منطقتها,دا غيره تاثيره على الحمله اللي أنت بتديرها.

فمثلا لو كنت بتدور على مستخدمي الوورد بريس,فدا معناه أنك هتستهدف المواقع والمدونات المختصه بالووردبريس.

فهتبدأ تحط أعلان ليك على موقع زي WPBeginner.

 

دا معناه أن فرص نجاحك أكبر لأن المنافسه اقل ..وجمهور الموقع هيبقى مهتم باللي أنت بتبيعه..أنت مش بس هتحصل على ربط  لموقعك ومعدل تصنيف أفضل..دا كمان هيعود عليك بعائد مادي كبير.

وفي النهايه

هذه هي نهايه مقالتنا لليوم … انتظروا المقاله قادمه وموضوع مهم في ال SEO on-page وهو ال HTML.

تابعونا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق
%d مدونون معجبون بهذه: